இதற்கமைவாக, 2023 மே 29 இல், அமைச்சரவையானது, நீதி, சிறைச்சாலை விவகாரங்கள், மற்றும் அரசியலமைப்புச் சீர்திருத்த அமைச்சினாலும், வெளிவிவகார அமைச்சினாலும் சேர்ந்து சமர்ப்பிக்கப்பட்ட, இலங்கையில் உண்மைக்கும் நல்லிணக்கத்துக்குமான பொறிமுறையொன்றைத் தாபிப்பதற்கான முன்மொழிவொன்றை அங்கீகரித்தது. இதன்படி அடிப்படையான நடவடிக்கைகளை மேற்கொள்வதற்காக இடைக்காலச் செயலகமொன்று அமைக்கப்படும்.

உண்மையைத் தேடுவதற்கான நடுநிலையானதும் சுயாதீனமானதுமான பொறிமுறையான்று தாபிக்கப்படும்போது, உண்மைக்கும் ஒற்றுமைக்கும் நல்லிணக்கத்துக்குமான முன்மொழியப்பட்ட ஆணைக்குழுவானது (CTUR) 1983 தொடக்கம் 2009 வரை அல்லது அதற்குப் பின்னர், இலங்கையின் வடக்கு மாகாணத்திலும் கிழக்கு மாகாணத்திலும் இடம்பெற்ற மோதல்களுடன் தொடர்புபட்டதும் இலங்கையின் எப்பிரதேசத்திலும் இடம்பெற்றதுமான சேதங்கள், இழப்புகள், மனித உரிமை மீறல்கள் ஆகியவை பற்றிய சம்பவங்களைப் புலனாய்வு செய்வதில் கவனஞ்செலுத்தும். உண்மையைக் கூறுவதற்கான தளமொன்றையும் சந்தர்ப்பத்தையும் CTUR வழங்கி, புலனாய்வு செய்து, விசாரித்து. பயனுள்ள தீர்வுகளுக்கும் நிவாரணங்களுக்கும் உரிய முன்மொழிவுகளை வழங்கும். CTUR என்பது, பாராளுமன்றச் சட்டத்தால் தாபிக்கப்படும் சுயாதீன ஆணைக்குழுவாக இருக்கும்.